1-year provisional franchise para sa ABS-CBN planong imungkahi sa Senado

Ilang senador ang planong magsulong ng panukalang magbibigay ng 1-year provisional franchise sa ABS-CBN.

Ayon kay Senate Majority Leader Juan Miguel Zubiri, masyadong maikli ang anim na buwang provisional franchise na ipinagkaloob ng Kamara para maisapinal ng lehislatura ang franchise renewal ng media network.

Ani Zubiri, posibleng kulangin sa panahon ang Kongreso para talakayin ang prangkisa ng ABS-CBN hanggang sa ibinigay nitong provisional franchise hanggang Oktubre taong kasalukuyan.

Giit ni Zubiri, mahahati pa ang atensyon ng Kongreso dahil sa mga kinakaharap ngayon ng bansa gaya ng COVID-19 pandemic at ang pagpasok ng mga bagyo sa bansa.