Davao de Oro: Atong pangandoy sa Birth Day ni Gov. Jayvee Tyron Uy ang more blessings gikan sa labawng makagagahom kay siya dakong blessing sa mga katawhan sa Davao De Oro, ug dungan sa pagsulti ni Sen. Ronald “Bato” de la Rosa niini ang iyang awhag nga atimanon sa gobernador ang iyang panglawas luyo sa tumang ka busy aron padayon niyang mahatag sa mga katawhan ang mga maayong serbisyo isip gobernador sa probinsya.
Si Sen. Bato maoy guest nila ni Ruth Palo sa Mindanao Daily Mirror ug Executive Assistant 4 Jun Tabas sa “Serbisyo Oro Mismo Ne-Tele-Radio Program” ni Gov. Tyron Uy nga gi broadcast nga live diha sa Facebook niadtong Huwebes (Mayo 7,2020) sa buntag, ug una niyang report atol sa ilang panaghinabi ang gidusong mga balaodnon sa Senate aron suportahan ang mga paningkamot ni PRRD nga mahatagan og kasulbaran ang problema sa “CoViD 19”.
Atol sa maong panaghinabi iyang gipaabot ang iyang mainitong pagdayeg sa probinsya nga ubos kaayo ang statistics sa CoViD 19 nga nahitabo matud pa niya tungod sa hugtanong suporta sa mga katawhan sa awhag sa gobyerno nga angayang himoon aron mapugngan ang pagkuyanap niining sakita sama sa Stay at Home kanunay, Social Distancing, regular nga pagsuot og Face Mask, paghugas sa mga kamot, ug uban pa.
Sa iyang personal life iyang giklaro nga “stay at home lang” siya kanunay. Siya karon matud pa niya ang tigluto, tiglung-ag, ug tiglimpyo diha sa ilang panimalay. Resulta niini nga negative siya sa CoVid 19 human ang duha ka mga testing nga gihimo kaniya diha sa Senate.
Hinoon aktibo gihapon siya sa mga Sessions bisan pa kon anaa ra siya kanunay sa ilang panimalay, ug padayon siyang nagpartisipar niinini pinaagi sa Tele-Conference.
“Stay healthy Gov. Tyron Uy ug salamat sa mga maayong serbisyo nga padayon nimong gihatag sa mga katawhan sa Davao De Oro.” Matud ni Sen. Bato de la Rosa. (Gilbert M. Cabahug PAO-ID DDO)