Maga autoridad ya aresta con el uno del maga notorioso persona y confisca maga armas de fuego de alta calibre na provincia de Tawi-Tawi.
Si Coronel Ronaldo Fulo, el director del pulisiya na provincia del Tawi-Tawi, ya nombra con el arestao notorioso persona como si Omad Amil, el aka dies “most wanted” persona na provincia de Tawi-Tawi.
Asegun con Fulo cay con Amil ya aresta maga personajes del pulisiya y National Intelligence Coordinating Agency maga alas tres treynta’y sinco del Biyernes tarde alla na isla de Kintakay na municipio del Languyan.
Si Fulo ya habla cay si Amil tiene el pendiente orden de aresto por el crimen del matansa y double frustrated murder sin piansa que ya ase sale el tribunal del Bongao del Octubre deci-seis año dos mil dos.
Asegun con Fulo ya puede encontra na kuta de Amil dos riple M-14 con maga bala, veinte sinco bala de calibre treynta masingan y dos bandolier. (Bong Garcia, Jr., photo courtesy of Tawi-Tawi Provincial Mobile Force Company)