Usa ka opisyal sa Roads and Traffic Administration (RTA) nagsugilon nga sila nagmalaumon nga unta adunay Senate Bill nga magrequire sa mga prospective vehicle owners sa pagpresentar sa ilang pruweba nga aduna silay space o garahe, ang mapasar isip usa sa mga solusyon pagsulbad sa bul-og sa trapiko.
Si RTA head Engineer Nonito Oclarit nag-ingon nga pabor sila sa maong sugyot diin ilang naobserbahan nga 50% sa nanag-iya sa sakyanan sa Cagayan de Oro walay mga garahian.
Si Oclarit nagkanayon nga ang maong paagi usab maoy solusyon sa naghitak nga illegal parking diha sa kadalanan.
Gawas niini, gisugyot usab sa RTA nga panahon na sa dakbayan nga mobuhat sa mga infrastruktura nga nagtinguha sa pagmugna sa parking spaces.
Nanawagan usab si Engr. Oclarit ngadto sa konseho sa syudad sa pagpadali sa mga sugyot-ordinanasa nga maghimo sa mga way gamit nga luna ngadto na sa parking spaces.