Giangkon sa usa ka laborer sa fishport complex sa GenSan ang kanihit sa ilang panginabuhi karon tandi sa mga nakalabay’ng katuigan.
Matud ni Kiddy Alfred Roda, laborer, 15 katuig na siya laborer kaniadto makaluag- luag siya sa pagpang-labor sa fishport.
Apan karon paigo na lang ang income niya sa pagpangpalit og pagkaon sulod sa tulo kakaonan matag adlaw.
Nagsugod ang kanihit sa ilang pangabuhi dihang nagsugod ang pagbalhin sa ubang panagatan sa Mati City. Asa didto na usab ang habwa sa isda nga ginabiyahe na lang ang uban padulong sa GenSan. “Unta ibalik na ang Indonesia kay karon didto naman ang habwa sa Mati sa daghang panagatan kami diri gamay na lang maong nihit,” asoy ni Roda.
2005 giangkon sa Marfenio Tan, Kanhi Presidente sa Soccsksargen Federation of Allied Industries Inc. nga dili na mahimong makakuha og tuna ang mananagat nga Pinoy sa territorial water sa silingan nga Indonesia. Dungan sa pag-collapse sa negosasyon tali sa duha ka nasud aron malugwayan ang tulo katuig nga bilateral fishing agreement.
Ang maong kasabutan ang napirmahan atong 2002 nga nagtugot sa Pilipinas gamit ang national flag nga makapanagat ug mokuha og tuna ug tuna-like species sulod sa Indonesia’s exclusive economic zone.
Sa datus sa City Social Welfare and Development Office ug Overseas Workers Welfare Administration (OWWA) gatusan ka mananagat ang napauli human nabalhog sa Indonesia gumikan sa illegal fishing. (Alfredo Madas Jr.)