Ilang mambabatas kinalampag ang Senado hinggil sa pagsasabatas ng DDR

Ilang mambabatas kinalampag ang Senado hinggil sa pagsasabatas ng DDR

by Powered by DWIZ
0 comment 55 views

Kinalampag ng ilang mambabatas ang Senado upang maipasa na ang batas na lilikha sa Department of Disaster Resilience (DDR).

Ayon kay House committee on disaster management chairperson Geraldine Roman, lusot na sa Kamara ang House Bill 8165 na magtatag sa naturang ahensiya.

Aniya, hindi na kailangan pang ipaliwanag kung bakit kailangang itatag ang DDR dahil malinaw na kailangan ito ng bansa.

Kaugnay nito, sinabi naman ni Kabayan Rep. Ron Salo, isa sa pangunahing may akda ng panukala na kailangan nang madaliin ng Senado ang pagpasa sa nasabing panukala.

Paliwang nito, ito ay upang madaling matugunan ang mga nararanasang kalamidad sa bansa.

Layon ng House Bill 8165 na magkaroon ng punong ahensiya ang gobyerno na mangangasiwa sa paghahanap ng istratehiya at systema upang mapigilan, mapaghandaan at matugunan ang anumang sakuna na tatama sa bansa.

—–
0 comment

Related Posts