El Zamboanga City Police Office (ZCPO) ya puede aresta con el un del dos suspechao na matansa del un persona na Cawa-Cawa Boulevard, ciudad de Zamboanga.
Si Coronel Kimberly Molitas, el director del ZCPO, ya identifica con el suspechao, con quien ya aresta tres horas despues del incidente de puƱalada, como si Mohammad Taha Miran alias Alijabar, 26 aƱos el edad.
Asegun con Molitas, con Miran ya aresta durante el operaciones de perseguida mga alas 4:30 del Jueves aga na Barangay Baliwasan, ciudad de Zamboanga.
Asegun con Molitas, ya puede tamen recubri con el puƱal que ya usa na comitida del crimen cuando ya aresta con Miran.
Asegun con el policia local si Miran, hunto con un compaƱero, amo el mga alegaomente ya lansia con Allan Utanio Almontero, quien aquel tiempo ta durmi na un banco na Cawa-Cawa Boulevard.
Si Almontero, 46 aƱos el edad, ya muri na lugar del incidente.
El victima, quien nohay permanente lugar onde ta esta na ciudad, es un nativo de Barangay Poblacion, Malangas, Zamboanga Sibugay.
Si Molitas ya habla, ta continua el de ila enbuscada para aresta con el cohorte de Miran, identificao como si Najpalma Namla, 17 aƱos el edad.
Asegun con Molitas, ta prepara ya sila el mga necesario documentos para planta caso criminal contra con el dos suspechao na matansa de Almontero.
El Alcalde John Dalipe ya comenda con el el ZCPO por el enseguidas aresto del uno del dos suspechao del crimen. (B. Garcia)