Un objetivo de alto valor, o HVT, el ya aresta y P340,000 valor de droga ilegal el ya confisca mga autoridad na provincia del Lanao del Sur, asegun con el Philippine Drug Enforcement Agency na Bangsamoro Autonomous Region in Muslim Mindanao (PDEA-BARMM) del Viernes.
Asegun con Gil Cesario Castro, el director del PDEA-BARMM, con el arestao suspechao HVT ya conoce como si Norma Macalaba, conocido tamen como si Noron Alao Embadir, 55 años el edad.
Asegun con Castro, con Macalaba ya aresta na un operacion de compra busto mga alas 2:30 del Miercoles aga na Purok 6, Barangay Kilikili East, Wao, Lanao del Sur.
Asegun con Castro, ya confisca na posesion de Macalaba 50 gramos de suspechao shabu enpaquetao na un termosellada transparente sobrecitos plastico que tiene el valor de P340,000, un celpon, y dinero de compra busto.
Asegun con Castro, si Macalaba amo el ta distribui droga ilegal na mga sercanos municipios del Wao, Lanao del Sur y na mga sercanos municipios na provincia del Bukidnon.
Si Castro ya habla, con Macalaba ya aresta ya del 2023 por violacion del Ley Integral de Drogas Peligrosas de 2002.
Asegun con Castro, si Macalaba detenido na facilidad de detencion del PDEA-BARMM en preparacion para el plantada del caso por violacion del Ley Integral de Drogas Peligrosas del 2002.
Si Castro ya habla, el mga agentes del PDEA-BARMM a conduci el operacion de compra busto contra con Macalaba con el suporta del policia y militar. (B. Garcia)