Veinte del 756 chufer de vehiculo utilidad publica, o PUV, na region el examinao positivo ta usa droga ilegal durante el conducida del Jueves del un surpresao examin de droga bajo el “Oplan Harabas” del Philippine Drug Enforcement Agency (PDEA).
Asegun con Maharani Gadaoni-Tosoc, el director regional del PDEA, el conducida del Oplan Harabas es en liña con el annual observancia del “Undas” con el objetivo mejora el seguridad na camino y detera el uso de droga ilegal entre el mga chufer de transportacion publico.
Asegun con Tosoc, el mga chufer examinao positivo ta usa droga ilegal hay referi canila na de ila respetivo consejo de barangay contra el abuso de drogas, y oficina local de bienestar social para el propio programa de intervencion y rehabilitacion.
Na 20 chufer positivo, 12 de ila desde ciudad de Zamboanga, siete de Zamboanga del Sur, y un chufer de triciclo de Zamboanga Sibugay.
Na total de 756 examinao chufer, 230 desde’l provincia de Zamboanga del Sur, 200 desde Zamboanga Sibugay, 176 desde’l ciudad de Zamboanga, y 150 desde Zamboanga del Norte.
Asegun con Tosoc, el conducida del sorpresao examin de droga ya conduci na diferente centros de transportacion publico incluido na parade de Agora na ciudad de Pagadian, Zamboanga del Sur; terminal de autobuses integrada na ciudad de Dipolog, Zamboanga del Norte; na parada de mga Van na Ipil, Zamboanga Sibugay; y na terminal de autobuses integrada na Barangay Divisoria, ciudad de Zamboanga.
El iniciativa que ya encabesa el oficina regional del PDEA ya conduci hunto con el Land Transportation Office, Land Transportation Franchising and Regulatory Board, Philippine National Police, y unidades del gobierno local. (B. Garcia)