El Zamboanga City Fire District (ZCFD) ya inagura con un nuevo subestacion de bomberos del Sabado na Barangay San Roque, ciudad de Zamboanga, asegun con el ZCFD.
Asegun con Superintendent Christopher Morales, el ZCFD marshal, ya habla del Doming cay el objetivos del establicida del subestacion de bomberos na Barangay San Roque amo para mejora el tiempo de respondida de emergencias y asegura el seguridad del comunidad.
El bendicida y inaguracion del subestacion ta signfica el compromiso del ZCFD na seguridad del publico y bienestar del mga residentes del Barangay San Roquem asegun con Morales.
Si Morales ya habla, el establicida del subestacion ta dale importancia na preparacion y efectivo administrada de disastre.
Presente durante el inaguracion del subestacion de bomberos na Barangay San Roque el Alcalde John Dalipe, Concejal Joselito Macrohon, Barrio Capitana de San Roque Josiebelle Macrohon, personajes y oficiales del ZCFD y otro pa mga oficiales. (B. Garcia)