Dali tagdaya sa hospital an isa ka rider ug duha ka back rider human aksidenting naka sungag an tricycel nga nahitabo jadton sa Sitio Tumanday, Brgy. Rizal, siyudad nan Surigao sa alas 6:30 an takna nan duyom.
An m’a nalambigit V1 isa ka tricycle na may body no. SC-2873 na gimaneho ni Francisco Ngojo Galo, 62 anyos, layaki, menyo, elementary level, tricycle driver, residente sa Purok 2, Brgy. Danao, Surigao City na may driver’s license. Giila isab an pasahero na si Emelia Espere Galo.
V2 isa ka motorsiklo na rusi na gimaneho ni Reyboy Mendoza Pancho, 29 anyos, ulitawo, helper, residente sa Purok 4, Barangay New Mabuhay, Dinagat, Dinagat Province, na may duha ka angkas na ginganlan Alan Mendoza Pancho, 32 anyos, igsuon sa rider ug Rey Poquita Balag, 28 anyos, high school level, helper, parehong residente sa nahisgutang lugar ug gituohan na ubos sa impluwensiyang inimnong maka hubog.
Sa inisyal na imbestigasyon nasayran na an tricycle gikan nagbiyahe sa Sitio Tumanday, Barangay Rizal pasingod sa Barangay Danao na direksiyon, hampan an motor nag jagan sa pikas na dayan.
Pag-abot sa kurbadahon na na dayan an motorsiklo niliko ug aksidenting nibangga sa nagsingabot na tricycle.
Tungod sa ka kusog sa impact, an tricycle ug an motor nakaangkon ug dako na damages. An duha driver, duha ka back riders, ug an pasahero sa tricycle naka angkon ug mga samad ug gidaya sa Caraga Regional Hospital pinaagi sa mga personahe sa Quick Action Response Team. Hinuon nagkasabot ra duha ka partido sa mga bayranan na damages.
(Mark James Lisondra)