Dos alto oficiales del militar del Pilipinas y Estados Unidos ya descuti sobre mga buen practicas para asegura el buen exito na conducida del operaciones de defensa teritorial na sur parte del pais.
Ese el cosa ya descuti canda Lieutenant General William Gonzales, el comandante de Western Mindanao Command (Westmincom) y si Major General Matthew Trollinger, el comandante del Marine Forces Special Operations Command (MARSOC) del Estados Unidos, cuando ya visita si Trollinger na quartel del Westmincom na Campo Navarro aqui na ciudad del Domingo.
“Un grande honor para canamon el visitada del comandante del MARSOC. Este es un buen lugar para establisa mejor relacion con el de aton aliados,” ya habla si Gonzales.
El MARSOC es un componente fuersa del United States Special Operations Command (SOCOM).
El mga capacidades del MARSOC ta inclui accion directa, reconocimiento especial, y defense interna exterior. (B. Garcia, photo courtesy of Westmincom PIO)