Un “watchlisted Street Level Individual (SLI)” el ya aresta mga autoridad na un campaña contra droga ilegal na costa este del ciudad, asegun con el policia local del Sabado.
El policia ya conose con el arestao watchlisted SLI como si Rene Falcasantos, 33 años el edad y residente del Barangay Sangali, en este ciudad.
Asegun con el policia con Falcasantos ya aresta na un “buy-bust operation” mga alas 12:10 del Sabado aga na Sitio Daap, Barangay Sangali.
Asegun con el policia ya puede confisca na posesion de Falcasantos un gramo de suspechao shabu que tiene el valor de P6,800, y P200 markao sen.
El policia ya habla ya detene con Falcasantos en preparacion para el planta del formal asunto por violacion del “Comprehensive Dangerous Drugs Act of 2002”. (B. Garcia)