HUGOT nga mipakita sa suporta ang LGU-CDO uban sa Department of Tourism X ug Philippine Commission on Women sa 18-day Campaign to End Violence Against Women (VAW) pinaagi sa pagpasiga sa tibuok Executive Building sa color orange , Nobyembre 24, diha sa city hall, ning siyudad.
Ang pagpasiga sa building og orange kabahin sa kampanya nga #OrangeYourIcon.
Nasayran ang color orange ga-representar sa simbolo sa paglaum ug usa ka future free from violence against women and girls ug ang Executive Building usa sa mga heritage icons sa siyudad.
Mismo si City Administrator Atty. Roy Hilario Raagas kinsa mirepresentar ni Mayor Klarex Uy, 20th city council pinangulohan ni Vice Mayor Bebot Rodriguez, Chief of Staff Sheila Lumbatan kinsa mao usab ang City GAD Focal person ug nangulo sa City Gender and Development Focal Point System,
Rheta Mae S. Eblamo ang GAD Focal Person sa DOT Region 10, PLtCol Duphar Cris Cuaresma, representante sa Cagayan de Oro City Police Office, Past Pilipinas Rotaract MDIO Chairperson Alvin John S. Lagumbay, Acting City Tourism Officer Rico Libre ug Secretary to the Mayor Xsyclyn Faith ‘Kansai’ Lumbatan ang nangulo sa pagpasiga niini.
Gawas sa ceremonial lighting, sila usab nangulo sa pagpanumpa kon pledge to End VAW.
Ang ceremonial lighting simbolo sa suporta sa siyudad sa paghatag og bili sa mga kababayen-an ug sa iyang mga katungod, sanglit ang matag babae importante.
Kini gisaksikan sa mga department managers, mga representante gikan sa nagkadaiyang national goverment agencies, non-government organizations, private sector, mga personahe sa city hall, designated Gender and Development Focal Persons sa mga buhatan sa LGU-CDO ug uban pa.
Ang 18-Day Campaign to End VAW gisaulog matag tuig gikan Nobyembre 25 hangtud Disyembre 12 alang sa tumong nga madugangan ang kahibalo sa matag usa nga ang VAW usa ka public issue ug national concern aron usab makab-ot ang sa matag komyunidad nga mamahimong VAW-free.
Nasayrang pasigaan usab sa orange light ang Ysalina Bridge ugmang adlawa samtang ang Gaston Park sa Disyembre 1.
News and photo courtesy of CIO CDO