Ya muri el un 53 años persona despues que ya gulpia conele su bisinos mga alas 9:45 del Martes denoche na Barangay Kasanyagan, este ciudad.
El Zamboanga City Police Station 6 (ZCPS6) ya nombra con el victima como si Halid Adjung Pulalon, con quien ya declara muerto el doctor cuando ya llega na ospital.
Asegun con el ZCPS6 cay con el echor del incidente ya conose como si Jose Ronnie Abordo, 33 años el edad con quien ya puede aresta mga pulis na su residencia na Barangay Kasanyangan.
Base na investigacion cay antes del incidente, Si Abordo ya man “bully” o ya pelya con Rosita, el esposa del Pulalon.
Asegun con el ZCPS6 cay ya rabia si Pulalon cuando ya abisa conele su esposa sobre el incidente y ya anda le confronta con el suspechao.
Sin embargo, amediante del de ila purpiahan, ya rabya si Abordo y ya gulpia le con Pulalon, quien ya desmaya por el golpe ya tupa conele.
Ya lleva con Pulalon na ospital pero ya declara conele muerto el doctor. (B. Garcia) (Photo Courtesy of ZCPS6)