Ta esperansa el Commission on Elections (Comelec) cay ay alcansa 4,000 mga aspirantes ay somete de ila certifico de candidatura para el eleccion na Octubre 30 del mga oficiales del barrio y Sangguniang Kabataan (SK).
El periodo para somete el certifico de candidatura ya principia ya del Lunes (Agosto 28) y ay termina na Sabado (Septiembre 2).
Asegun con el Abogao Stephen Roy Cañete, el official de eleccion na segundo distrito, cay na primer dia pa lang, tiene ya el total de 1,325 aspirantes el ya somete de ila certifico de candidatura que ta representa 30 porciento esperansao numero de candidato.
Na total de 1,325 certifico que ya somete, 582 del mga aspirantes desde’l primer myentras 743 para na segundo distrito.
Asegun con Cañete cay 55 el ya somete ceritifico para barrio capitan, 325 para consejo de barangay, 30 para SK chairperson y 172 para SK kagawad na primer distrito myentras 51 el ya somete certifico para barrio capitan, 369 para consejo de barangay, 45 for SK chairperson y 278 for SK kagawad bajo na Segundo distrito.
Para na benedero eleccion, tiene el total de 98 puesto para barrio capitan, 784 para consejo de barangay y semehante numero tamen para na eleccion del SK. (B. Garcia) (Photo Courtesy of City Hall PIO)
