Un persona el ya aresta el mga autoridad na un operacion contra droga ilegal na provincia del Lanao del Sur, asegun con el policia del Lunes.
El Lanao del Sur Police Provincial Office (LDSPPO) ya identifica con el arestao suspechao como si alias Miad, un residente del Barangay Muslim Village, Wao.
Asegun con el LDSPPO, con Miad ya aresta na un operacion de compra busto mga alas 2:15 del Sabado tarde na Purok 7A, Barangay Extension, Wao, Lanao del Sur.
Asegun con el policia, ya confisca na posesion de Miad un gramo de suspechao shabu que tiene el valor de P6,800, dinero de compra busto, un celpon, un bolso bandolera, un portamoneda ya contene tarjetas de identificacion y documentos, P70 de diferente denomiaciones y un motorciclo.
El policia ya habla ya detene con el arestao suspechao en preparacion para el plantada el caso contra conele por violacion del Secciones 5 y 11 del ley integral de drogas peligrosas. (B. Garcia)