Usa ka malampusong operasyon sa Women and Children Protection Center-Visayas Field Unit ang miresulta sa usa ka suspetsado sa human trafficking niadtong Pebrero 13, 2025, sa Brgy. Sta. Rosa Proper, Olango Island, Lapu-Lapu City.
Nagsugod ang imbestigasyon niadtong Hulyo 2023, dihang usa ka undercover officer nakadiskubre nga ang suspetsado naggamit sa online platforms aron sa ilegal nga pagbaligya sa mga serbisyo nga naglambigit sa iyang mga anak.Na rescue sa mga awtoridad ang usa ka 15-anyos nga biktima ug nasikop ang suspetsado.
Sa nahisgotang operasyon, usa ka cellphone ang narekober gikan sa suspetsado. Sa samang adlaw, gilusad usab ang Warrant to Search, Seize, and Examine Computer Data (WSSECD) sa Sitio Poo, Barangay San Vicente, Olango Island. Tungod niini, laing menor de edad nga biktima ang naluwas, ug laing cellphone ang nakumpiska.
Ang duha ka mga biktima anaa na karon sa pag-atiman sa Center for Women and Children sa DSWD FO7, diin sila guhatagan sa gikinahanglan nga medikal ug psychological nga tambag. Samtang, ang suspetsado kasamtangan nga gitanggong sa Police Station 1, Lapu-Lapu City Police Office (LCPO), ug pasakaan og kaso ubos sa Section 4(a) sa Republic Act No. 11862 o Expanded Anti-Trafficking in Persons Act of 2022.
“This case highlights the importance of online surveillance and undercover work in protecting vulnerable individuals, and we remain committed to dismantling human trafficking operations at every level,” matod ni PBGEN Redrico A. Maranan, Regional Director sa PRO7.
Gidayeg usab ni PBGen Maranan ang panaghiusa sa nag-unang unit kauban ang PS1, Women and Children Protection Desk sa LCPO, Office of the City Prosecutor, ug mga kawani sa DSWD FO7, nga mitabang sa kalampusan sa operasyon.
Dugang pa niya, nagpahimangno siya sa publiko nga magpabiling mabinantayon ug dayon nga ipahibalo sa mga awtoridad ang bisan unsang kahasol nga online nga kalihukan aron mapadali ang aksyon. (Renante Socia Lada)
(Source: PRO7-PIO)