Un ciudadano mayor el ya encontra muerto ta man lutao serca na un pantalan na provincia del Zamboanga del Norte, asegun con el Philippine Coast Guard (PCG) del Sabado.
El Coast Guard Station (CGS)-Zamboanga del Norte, ya nombra con el muerto persona como si Jaro Colot, 64 años el edad y residente del Purok Nipa, Barangay San Pedro, ciudad de Dapitan.
Con Colot ya puede columbra ta man lutao serca na Rampa 4 mga guardia del autoridad puerto de Filipinas mga alas 6 del Jueves aga y enseguidas ya reporta na Cost Guard Sub-Station (CGSS)-Dapitan.
Asegun con el PCG, el mga personajes del CGSS-Dapitan, con propio coordinacion con el mga personajes del CGS-Zamboanga del Norte, ya recubri con el resto de Golot mga alas 6:39 del Jueves aga.
Con el resto del Colot ya entrega na policia del ciudad de Dapitan na presencia del su mga anak para el conducida del propio investigacion. (B. Garcia)