25.6 C
Manila
Sunday, March 3, 2024

Zamboanga: 150 estudiantes ya beneficia na programa de alcance comunitario

- Advertisement -

Total del 150 mga estudiantes de un escuela de elementaria el ya beneficia na un programa de alcance comunitario (community outreach) que ya inicia el Women Inter-faith Basilan y el 101st Infantry Brigade del Viernes.

El mga beneficiarios amo mga estudiantes del escuela de elementaria de kawa-kawa na Barangay Baluno, ciudad de Isabela, el capital del Basilan.

Asegun con el 101st Infantry Brigade del Sabado, el mga estudiantes ya recivi regalo, incuido algodon de azucar y palomitas.

El mga soldao del 101st Infantry Brigade ya ofrece tamen libre cortada de pelo con mga estudiantes.

Ya tene tamen difrerente activitidades como el conducida de un biblioteca movil (mobile library) que ya facilita si Señora Annie Salliman, el primera dama del provincia de Basilan.

Asegun con el 101st Infantry Brigade, el actividad tiene’l objeto para hace mas fuerte relacion na comunidad, tene unidad, cooperacion y paz entre mga vivientes de Basilan.

El actividad ya hace posible por medio del esfuerzos colaborativo del Women Inter-Faith Basilan; Youth Inter-Faith Basilan; gobierno provincial del Basilan; 101st Infantry Brigade; y mga maestros y maestras del escuela de elementaria del kawa-kawa. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -