Un persona quien ta enfrenta asunto criminal de tres cuentas rapto el voluntariamente ya rindi con mga autoridad aqui na ciudad, asegun con el policia local del Sabado.
El policia local ya nombra con el “wanted” persona quien voluntariamente ya rindi como si Eubie Jay Reyes, 18 años el edad y residente del Barangay Culianan, en este ciudad.
Asegun con el policia local, si Reyes ya rindi na Zamboanga City Police Station 3 (ZCPS3) mga ala 1:15 del Viernes tarde.
El policia ya habla, si Reyes tiene pendiente orden de aresto por el asunto criminal de tres cuentas rapto sin recomendao piansa que ya dale el un tribunal local del Enero 24, 2024.
Si Reyes ta esta bajo’l custodia del ZCPS3 para el propio disposicion antes que ya entrega conele na cocierne tribunal. (B. Garcia)