El fuerza militar, mientras ta intensifica el campaña contra terorismo, ya recubri mga armas de fuego de alta calibre y mga bala na provincia del Maguindanao del Norte, asegun con el Western Mindanao Command (Westmincom) del Martes.
Asegun con Tiniente General William Gonzales, el comandante del Westmincom, con el mga armas de fuego o fusil ya recubri na Barangay Labungan, Datu Odin Sinsuat, Maguindanao del Norte del Sababo.
Asegun con Gonzales, el mga recubrido armas de fuego ta inclui un rifle M-14, dos rifles M-16, dos Shotgun de 12 balina, un rifle Thompson and mga bala de diferentes calibre.
Si Gonzales ya habla, ta conduci patrulla de seguridad el mga personajes del 2nd Mechanized Infantry Battalion (MIB) cuando ya recubri sila con el mga armas de fuego na Barangay Labungan, Datu Odin Sinsuat.
El tropa del 2MIB ya imedietamente ya coordina con el policia del Datu Odin Sinsuat para el propio disposicion del mga recubrido armas de fuego.
Asegun con Gonzales, con el mga armas de fuego ya abandona el mga mal elementos del sociedad cuando ya columbra sila con el mga soldao ta man patrulla. (B. Garcia)