El mga personajes del policia ya aresta un persona mas buscada na un operacion de aplicacion del ley na provincial de Maguindanao del Norte, asegun con el Police Regional Office-Bangsamoro Autonomous Region (PRO-BAR) del Martes.
El PRO-BAR nohay mas nombra con el arestao individual puera lang de habla’r cay el suspechao listao como el numero cuatro persona mas buscada na municipio de Datu Odin Sinsuat, Maguindanao del Norte.
Asegun con el PRO-BAR, con el persona mas buscada ya aresta na un operacion de aplicacion de ley por medio de servi’r orden de aresto del Domingo na Barangay Awang, Datu Odin Sinsuat.
El PRO-BAR ya habla, el aresto del suspechao ya vene despues que ya gole mga autoridad donde ele ta esconde na Barangay Awang.
Asegun con el PRO-BAR, el arestao persona mas buscada tiene pendiente orden de aresto por el crimen de abuso carnal sin piansa que ya dale el un corte del ciudad de Cotabato del Marso 25, 2024. (B. Garcia)