Tres personas ya iri cuando el vehiculo ta munta sila ya man lampas un curvada del camino y ya man bangga na division echo de cemento o mas conisodo como el concrete barrier na Maria Clara Lorenzo Lobregat Highway.
Asegun con el Police Station 4 cay el incidente ya ocuri maga alas nueve veinte del aga del Sabado alli parte na barrio de Culianan.
El pulisiya ya nombra con maga victima como canda Mush-ab Juhur, veinte anios el edad; Alexandra Hajiri, veinte dos; y si Yusri Amdihal, veinte uno anios el edad.
Asegun na pulis cay el tres victima y otro seite personas muntao na vehiculo que ya man lampas na curvada y ya man bangga na concrete barrier despues el chufer, si Al-mudzrif Butlangan Maidin, veinte dos anios el edad, ya perde control con el manibela del mismo vehiculo.
Con el tres victima, kien ya iri, ya lleba na Zamboanga Medical Center para el curada medical. El de ila siete companieros y el chufer del vehiculo nuay sinti nada.
El incidente ya ocuri myentras si Maidin ta viaja para na pueblo estaba na costa este del ciudad. (April Boy Regino)
