Dos residente del ciudad ya rindi de ila armas de fuego con mga autoridad durante el separao campanya de “oplan katok.”
El pulisiya local ya nombra canila como canda Bong-Bong Tan, residente de Putik y el otro si Deanna Ilagan Sanchez, kien voluntaryamente ya entrega con el armas de fuego con el pulis por parte de Dante Ilagan, residente del Suterville, Barangay San Jose Gusu.
Si Tan ya entrega un caliber cuarenta’y sinco pistola maga alas nueve del aga del Sabado cuando ya visita na su casa na Putik mga personajes del Police Station 5.
Si Sanchez ya entrega un caliber veinte dos revolver cuando ya visita maga personajes del Police Station 11 na su residencia na Suterville, San Jose Gusu.
El campanya del oplan katok es un systema donde maga pulis ta visita na casa del mga residentes de kien licensia de armas de fuego ya man expire y nohay pa puede manda ase de nuevo o man renew.
El maga armas ay esta na custodiya del pulisiya y ay debolbe na mga duenio el momento ya puede ya sila ase de Nuevo de ila licensia. (April Boy Regino)