El pulisiya local ya pone bajo na investigacion con dos personajes del Regional Mobile Force Battalion-9 por el alegacion de sexual harassment.
El dos pulis tiene el mga ranggo de Patrolman base alli na Campo Heneral Eduardo Batalla na R.T. Boulevard, Barangay Zone one, este ciudad.
El uno del dos pulis tiene el edad de treynta’y uno anios y el otro treynta’y dos anios.
Asegun con el reclamante, kein ta trabaja como un masahista, cay el dos pulis ta aparece cay buracho cuando ya llega na massage parlor onde ta trabajo ele maga alas dos y media del Sabado aga alli na Barangay Canelar.
El deci-ocho anios reclamante ya alega cay el uno del dos pulis ya planta conele pusil y ya manda desnuda.
Ya habla pa el reclamante cay el otro pulis ya saca video canila myentras ta abusa con ele.
El reclamante ya escapa pasando na ventana del massage parlor y ensegidas ya reporta na Police Station 11.
Ensegidas tamen ya responde mga personajes del Police Station 11 y ya lleba con el dos pulis na de ila quartel y ya ponde bajo el investigacion. (April Boy Regino)