Un trabajante de construccion quien listao como “street level individual” el ya aresta mga pulis na un campanya contra droga ilegal aqui na ciudad del Zamboanga.
Si Police Major Salvador Galvez, el hefe del Zamboanga City Police Station 7 (ZCPS7), ya nombra con el arestao suspechao como si Noel Cruz, 44 años el edad y residente del Barangay Baliwasan, este ciudad.
Asegun con Galvez cay con Cruz ya aresta na un “buy-bust operation” mga alas 11:50 del Sabado denoche na Barangay Cabatangan, este ciudad.
Ya puede confisca na posesion de Cruz 2.7 gramos de suspechao shabu con el estimao valor de P18,360, un telepono, y P200 markao sen.
Asegun con Galvez cay ya pone con Cruz bajo na custodiya del ZCPS7 en preparacion para el plantada del formal asunto contra con el suspechao, quien detenido este mga tiempo. (B. Garcia, photo courtesy of ZCPS7)