Total de 34 armas de fuego sin licensia el ya rindi na otoridad el mga vivientes desde’l 34 barangays del Datu Odin Sinsuat, Maguindanao del Norte, del Biyernes.
Asegun con el Joint Task Force (JTF)-Central el rindida del mga pusil amo el resulta del continuando campanya del fuersa militar, pulisiya y govienro local contra na proliferacion del armas de fuego sin licensia na Centro parte de Mindanao.
El ceremonya del rindida del mga armas de fuego ya ase na “covered court” na Barangay Dalican, Datu Odin Sinsual del Biyernes aga.
El mga armas de fuego sin licensia que ya rindi mga vivientes del Daru Odin Sinsual ta incluwi diferente clase de mga riple de alta calibre, “grenade launchers, Rocket-Propelled Grenade (RPG), Sniper rifles” y calibre 50 masinggan.
Si Major General Alex Rillera, comandante del JTF-Central, ya comenda con el mga tropa del “601st Infantry Brigade”, particularmente del “2nd Mechanized Battalion”, por el significante acomplisimiento.
Con el ceremonya del rindida de mga armas de fuego sin licensia ya ase na presencia del Alcalde Datu Lester Sinsuat, y otro mga oficiales del militar y pulisiya. (B. Garcia, photo courtesy of JTF-Central)