El mga personajes del Oficina de Medio Ambiente y Recursos Naturales de la Communidad, o CENRO, recientement ya larga un tortuga clasificao como el Female Green Sea Turtle na su habitat natural na provincia de Zamboanga Sibugay.
Asegun con el Departamento de Medio Ambiente y Recursos Naturales, o DENR-Zamboanga Peninsula, con el tortuga ya larga del otro semana na canto’y aplaya del Barangay Caliran, Mabuhay, Zamboanga Sigubay.
Asegun con el DENR-Zamboanga Peninsula, el tortuga ya atrapa na un corral de pesca de Jovanni Rosales, quien de fronto ya entrega con este na propio autoridades.
Asegun con el DENR, el tortuga tiene el largo del carapacho de 50.5 centimetros y el anchor de 42.5 centimetros.
Ya pone señales con el tortuga antes que ya larga con este na su habitat natural.
El largada del tortuga ya hace el mga personajes del CENRO-Imelda hunto con el personajes del Oficina Municipal de Medio Ambiente y Recursos Naturales del mencionao municipio. (B. Garcia)