El mga autoridad ya aresta na un operacion de aplicacion de ley con el uno del mga personas mas buscada na provincia del Maguindanao del Norte, asegun con el policia del Domingo.
El Police Regional Office-Bangsamoro Autonomous Region (PRO-BAR) nohay mas nombra con el arestao suspechao excepto de hablar listao ele como el numero tres persona mas buscada na provincia del Maguindanao del Norte.
Asegun con el PRO-BAR, con el numero tres persona mas buscada ya aresta na un operacion de aplicacion de ley por medio na implementacion del un orden de aresto del Jueves na Barangay Poblacion 2, Parang, Maguindanao del Norte.
Asegun con el PRO-BAR, el arestao persona mas buscada tiene pendiente orden de aresto sin recomendao piansa por el crimen de abduccion con abuso carnal que ya dale el un corte na Maguindanao del Norte del Marso 10, 2020.
El PRO-BAR ya habla, el arestao persona mas buscada ta esta ahora bajo’l custodia del policia na municipio de Parang para el propio disposicion. (B. Garcia)