Un persona listao como el “Top 1” bien “wanted” base na sistema de “E-Warrant” el ya aresta mga autoridad na un operacion del aplicacion de ley aqui na ciudad de Zamboanga, asegun con el policia local del Lunes.
Asegun con el policia local, con el aresta bien wanted persona ya conose como si Louie Villaflorez, 30 años el edad y residente de Wingo Subdivision, Barangay Sta. Maria, en este ciudad.
Asegun con el policia, con Villaflorez ya aresta por medio na implementacion de un orden de aresto mga alas 10:15 del Domingo aga na Paseo de Fabian, Barangay Ayala, en este ciudad.
Asegun con el policia, si Villaflorez tiene pendiente orden de aresto por el crimen de dos cuentas “lasciviousness conduct” con el recomendao piansa de P200,000 que ya dale el un tribunal local del Deciembre 11, 2023.
Si Villaflorez detenido ahora na Zamboanga City Police Station 7 para el propio disposicion. (B. Garcia)