Un Philippine Pinsker’s Hawk-eagle el ya entrega na Community Environment and Natural Resources Office (CENRO) del Guipos na provincia del Zamboanga del Sur.
Asegun con el oficina regional del Department of Environment and Natural Resources (DENR), con el agila ya encontra si Kokoy Edu, quien ta esta na Barangay Poblacion, Tigbao, Zamboanga del Sur, serca na su tierra.
Inicialmente, ya cuida si Edu con el agila, pero por el miedo sobre el multa o castigo, ya lleva le con el pajaro con Alcalde Eleazar Carcallas del Tigbao.
Enseguidas tamen si Carcallas ya entrega con el agila na CENRO-Guipos del otro semana.
Con el agila ya lleva na Regional Wildlife Center in Barangay Baclay, Tukuran, Zamboanga del Sur para el mas evaluacion y observacion.
El Pinker’s Hawk-Eagle listao como un especie en peligro con el estimao 600 para 800 restantes numero del clase de agila.
El principalmente amenaso ta enfrenta el clase de agila amo el perdida de habitat. (B. Garcia, photo courtesy of DENR-9)