Zamboanga: Tonelada de basura ya colecta na limpiesa

0
6

Tonelada de basura el ya colecta durante el limpiesa na “R.T. Lim Boulevard” y na Isla de Sta. Cruz en celebracion del “International Coastal Clean-up Day” del Sabado, Septiembre 16.

Mas o menos 1,033 representantes del diferente oficina del govierno local y nacional, incluwido mga organizacion el ya participa na limpiesa que ya encabesa el Oficina de Medio Ambientes y Recursos Naturales del Ciudad (OCENR).

Na total de participantes, 948 el ya limpia na R.T. Lim Boulevard mientras 85 ya participa na actividad na Isla de Sta. Cruz.

Asegun con el OCENR, el mga basura ya colecta ya man anud para na canto’y aplaya durante el aguasero por causa del habagat del mga reciente dias.

El OCENR ya habla cay ta ase pa sila el inventario para determina el exacto volumen y tambien el clase del mga basura ya colecta durante el actividad.

El International Coastal Clean-up Day ta celebra cada terser sabado del mes de Septiembre. (B. Garcia, photo courtesy of OCENR)

Leave a Reply