Ya muri el man maridable na ub incidente de tiro na uno del mga barrio na costa weste del ciudad, asegun con el pulisiya del Domingo.
Asegun con el Zamboanga City Police Station 9 (ZCPS9), con el man maridable victima ya conose como canda Janman Mattahari y su esposa, si Mara.
Asegun con el ZCPS9 el incidente ya ocuri mga alas 9:55 del Sabado denoche na Phase 2 del Misueño Lugar Homes, Zone 8, Barangay Ayala, en este ciudad.
Asegun na investigacion del ZCPS9, adentro casa el man maridable cuando ya entra el un desconosido armao persona y ya tira canila por muchas beses.
El man maridable ya enseguidas ya muri por el mga irida de bala ya sufri sila na de ila cuerpo.
El suspechao ya escapa muntando na un motorsiclo y ya enderesa para na carretera del Barangay Ayala despues del incidente.
Asegun con el ZCPS9, ya recubri siete capsula de calibre .45 pistola na lugar del crimen. (B. Garcia, photo courtesy of ZCPS9)