El Philippine Air Force (PAF) ya inicia cambio na liderato del Tactical Operations Group-Sulu-Tawi-Tawi (TOG SulTaw) que base na provincia del Sulu, asegun con el militar.
Asegun con el 4th Civil Relations Group (4CRG), ya instola con Coronel Germilino Calubiran como el nuevo comandante del TOG SulTawi, relevando con Coronel Edward Cervantes.
Asegun con el 4CRG, el ceremonia del cambio de mando que ya conduci del otro semana na cuartel del TOG SulTaw ng Barangay Busbus, Jolo, Sulu, ya encabesa si Brigadier General Rocky Binag, el comandante del Tactical Operations Wing Western Mindanao.
Si Cervantes ya extende su profundo gratitud con todo mga partes interesadas y agencias de gobierno por el de ila inquebrantable suporta que ya extende sila conele durante su termino como comandante del TOG SulTaw.
Ademas, si Cervantes ya recivi numeroso premios y simbolicos como apreciacion del su hechos significativos durante su termino.
Mientras tanto, si Calubiran ya asegura que hay continua y mantene ele de entraga poder aero na su jurisdiccion. (B. Garcia)Â