El nuevo instolao director del policia na Zamboanga Peninsula, o Police Regional Office-9 (PRO-9), si police Brigadier General Roel Rodolfo, ya enfatiza el importancia de mantener profesionalismo dentro del fuerza del policia.
Ese el parte del manesaje de Rodolfo con mga personajes del Zamboanga City Police Office (ZCPO) cuando ya visita le na cuartel del ZCPO del Viernes.
Ya hace tamen acorda si Rodoldo con mga personajes del policia local para no participa na mga actividades ilegal.
Si Rodolfo ya descata cay el clase de esfuerzos es esencial para preserva con el integridad del policia, que hay fomenta el confiansa y confidencia del publico.
Si Police Colonel Kimberly Molitas, el interino director del ZCPO, ya encabesa con el mga oficiales del mando para extende un calientoroso bienvenido con Rodolfo na su visitada na policia local.
El visitada de Rodolfo hay servi como un recordatorios del valores fundamentales que debe guia cada miembros de policia, refuerzando el dedicacion de servicio publico y asegurando el continuando confiansa y confidencia del comunidades que ta servi sila. (B. Garcia)