Nadakpan sa mga tinugyanan sa kapulisan an duha ka indibidwal hampan an isa nakasibat sa gikasa na operation sa kapulisan batok illegal na sugal jadton kagahapong adlawa Enero 18, 2025, Sabado, sa may Purok 6, Payawan 2, Brgy. Luna, Surigao City.
Giila an mga suspek nga sila Adolfo Paronda Atole, 56 anyos na layaki, menyo, isa ka vendor ug Nelita Pelanio Saluday, 51 anyos na babaje, may live-in partner hampan at-large si Alvin Montermoso Torremocha, 34 anyos na layaki, sila tanan residente sa nahisgutang lugar.
Sa imbestigasyon sa kapulisan nga an mga suspek nasakpan sa akto nga nalambigit sa nahisgutang illegal nga sugal na “tong-its” sa nasangpit nga lugar nga nag pinustahay na kwarta sa ilang lamesa nga amo an hinungdan sa ilang pagkasikop.
Nakompiskar sa ilang posisyon an isa ka set na baraha ug pusta na kwarta sa kantidad P1, 309.00 ka pesos.
Sa pagka kuman an mga nadakpang suspek apil an mga ebedensiya an jaon sa kustodiya sa Surigao City Police Station. (Mark James Lisondra)