El team de Muaythai de Zamboanga ya gana 10 medalla de oro y uno de bronce na reciente Muaythai National Championship 2023.
El concurso de deportes ya conduci na Philsports Arena na ciudad de Pasig desde Noviembre 15 hasta Noviembre 20.
Canda Noel Alabata, Ghen Yhan Berdon, Veronica Sagrada, Jerome Negapatan, Gerald Devon Cañete y si Mike King Von Labetzsch ya gana medalla de oro na categoria de combate (Combat category), asegun con Dr. Cecil Atilano, el Sports Development Officer del ciudad de Zamboanga.
Asegun con Atilano, si Negapatan ya gana medalla de oro na categoria de Wai Kru (Artistic) y na Mai Muay.
Si Berdon ya gana medalla de oro bajo el categoria de Mai Muay.
Si Berdon ya gana tamen medalla de oro na categoria de Wai Kru (Artistic).
Si Atilano el quien ya sirvi como el team manager del mga atleta de Zamboanga mientras si Reynold Trasmonte y si Arnold Palpal-latoc amo el mga team coaches. (B. Garcia, photo courtesy of Dr. Cecil Atilano)