El govierno local bajo el liderato del Alcalde John Dalipe ya abre tres nuevo lugar de parada para el uso del mga empleyado del City Hall y del publico.
El tres nuevo parada de vehiculo ta inclui el “Balete Parking Area” serca na “City Hall Annex Building” que presentamente ta usa mga empleyado del City Hall.
El Segundo amo el propiedad na canto del calle Rizal y Valderoza y el tersero el lote donde antes el un conosido cine na calle I. Magno y canto del calle P. Reyes.
Si Dalipe ya intensifica el conducida de negosacion con mga dueño del lote para usa como omento parada amediante del sin descanso campaña contra ilegal parada na mga calle de ciudad de conformidad con el Ordinansa 601.
Si Dalipe ya dale un orden ejecutivo que ta establisa el uso del tres nuevo parada para usa el mga empleyado del govierno local y el publico. (B. Garcia, photo courtesy of City Hall PIO)