El Bangsamoro Autonomous Region in Muslim Mindanao (BARMM) Task Force on Ending Local Armed Conflict (BTF-ELAC) ya dale ayuda financial para na programa de reforma del sincuenta’y tres estaba mymembros del grupo Abu Sayyaf.
Asegun con el Abogao Marvin Mokamad, el hefe del asuntos servicio interna del BARMM’s Ministry of the Interior and Local Government (MILG), cay el ayuda financial ya dale por medio del Project Tulong ng Gobyernong Nagmamalasakit.
El ayuda que ya dale del Biyernes amo para converti con maga antes myembros de Abu Sayyaf queda productivo residente del de ila comunidad.
Asegun con Mokamad cay el inicial ayuda ya recivi el sincuenta’y tres estaba myembros del Abu Sayyaf ta incluwi sinco mil pesos, diferente clase de comida, y dos sako de aros.
Si Mokamad ya habla cay ya pregunta tamen sila si cosa trabajo sila sabe ase para determina el clase de ayuda de vusca la vida puede dale con el maga antes myembros del abu Sayyaf.
Asegun con Mokamad ay asegura sila cay todo el maga bandido Abu Sayyaf ya rindi ay recivi ayuda con el govierno. (Bong Garcia, Jr.) (Photo Courtesy of the Joint Task Force-Sulu)