El mga autoridad ya aresta un persona y ya confisca mga armas de fuego na un operacion de aplicacion de ley na provincia del Zamboanga del Norte, asegun con el policia.
El mando regional del policia, o Police Regional Office-9 (PRO-9), nohay mas nombra con el arestao persona puera lang de habla’r ele es un siembrador.
Asegun con el policia, con el siembrador ya aresta na un operacion de aplicacion de ley por medio na implementacion de orden de registro mga alas 6:40 del Sabado aga na Barangay Bitugan, Sirawai, Zamboanga del Norte.
Asegun con el policia, el orden de registro contra con el siembrador ya dale el un corte que tiene jurisdiccion con el mga municipios de Siocon, Baliguian, y Sirawai, Zamboanga del Norte.
Asegun con el policia, ya confisca desde con el arestao siembrador un rifle Carbin con un clip sin bala y un calibre .45 pistola con clip y sinco bala.
Con el arestao siembrador ya pone bajo’l custodia del policia na municipio del Sirawai en preparacion para el plantada del adecuado caso na corte contra conele. Asegun con el policia, con el orden de registro contra con el siembrador ya implementa el un junta de pulis y personajes del 97th Infantry Battalion. (B. Garcia) (Photo Courtesy of PRO-9)