Alegre el sektor de agrikultura del ciudad por el dalidada del prayoridad del Presidente Bong Bong Marcos con el maga programa de agrikultura na nacion.Asegun con City Agriculturist Carmencita Sanchez, ta kre ele que el sintada del Presidente Bong Bong Marcos como concurrent sekretarya del Departamento de Agrikultura asegun ta dale mira el prayoridad del presidente na sektor de agrikultura.
Asegun pa kun Sanchez, awra lang ya dale grande importansya con el sektor y este asegun el dale esperansa con el maga pobre vivientes para hace subida diila estado na vida o el diila socio economic status por medio del maga programa del nuevo administrasyon.
Ta kre asegun si Sanchez, que necesita continua el maga Zamboangeño Farmers con el diila trabaho cay amo asegun este el manera para dale canila buen futuro y na diila maga familia.
Base na report del City Agriculturist Office, ta esta na trese porciento el sufficiency rate awra na ciudad aserca el produksyon del palay. (Erica B. Javier)