El ciudad de Zamboanga ay man launch maga site para con el kampanya “PinasLakas” na Rehiyon nueve na Martes, Hulyo veinte seis, donde ay implementa el govierno con el kampanya del national vaccination para hace subi el COVID-19 booster shota para con el maga elihable populasyon este mez.
El alcalde hunto con el Departamento de Salud del rehiyon nueve, ay encabesa con el programa na Atrium del KCC Mall de Zamboanga na Gov. Camins ala jes del aga.
El mencionao kampanya asegun para administra maga booster shots para na atleast sincuenta porciento del elehible populasyon na nacion y hace subi el rate del bakuna entre maga senior citizen na primer ciento dia del administrasyon de Presidente Bong Bong Marcos Jr.
Na disuyu mensahe durante el flag raising ceremony del ayer Lunes aga, el Alcalde ya ekspresa su entero suporta para con el nuevo kampanya hablando que el booster dose ay dale adisyonal proteksyon contra COVID-19.
Desde Hulyo veinte, año dos mil veinte dos, el Govierno local por medio del Oficina del Salud ya administra ya total de un mil, sinco cientos trenta’y uno y otso cientos tres punto maga dose del COVID-19 vaccines desde el primer roll out del maga bakuna na ciudad. (Cristine Falcasantos, photo courtesy of City Government of Zamboanga Facebook page)