El Departamento de Bienestar Social y Desarollo, o DSWD, ya inagura y entrega P19.2 millones centro de evacuacion agrupado na San Pablo, Zamboanga del Sur.
Asegun con el oficina regional del DSWD, con el centro de evacuation ya entrega del Martes na gobierno municipal del San Pablo.
El DSWD ya habla, con el centro de evacuation ya construi na Purok Matinabangon, Barangay Tandubuay, San Pablo. El construccion ya comenca del Julio 1, 2024.
El construccion del proyecto ya hace posible por medio del Kapit-bisig Laban sa Kahirapan–Comprehensive and Integrated Delivery of Social Services (Kalahi-CIDSS) National Community Driven Development Program (NCDDP).
Si Danilo Taucan, el alcalde del San Pablo, ya alaba con el proyecto como un exito para del mga voluntarios del comundidad quien ya sacrificia mucho durante el preparacion, y implementacion, que ya sigui na proceso del Kalahi-CIDSS.
Asegun con el oficina regional del DSWD, el centro de evacuacion agrupado es el ultimo proyecto del Kalahi-CIDSS na region antes que hay serra el programa na Deciember 2024.
Con el centro de evacuacion ya entrega con el gobierno municipal del San Pablo mga alto funccionarios del Kalahi-CIDSS y oficina regional del DSWD que ya representa si Ma. Socorro Macaso, el director regional ajunto de operaciones. (B. Garcia)