El 53rd Infantry Battalion (53IB) ya conduci sinco-dia entrenamiento de sargento de peloton para apodera con mga sargentos de peloton el necesario habilidades na hacida de mga decisiones para el bienestar del tropas, asegun con el militar del Sabado.
Asegun con el 53IB, el entrenamiento ya conduci desde Lunes hasta Viernes na quartel de batallon na Campo Major David Sabido, Barangay Poblacion, Guipos, Zamboanga del Sur.
Asegun con el 53IB, 10 mga representantes desde companias de linea del batallon el ya atende con el entrenamiento.
El entrenamiento tiene el objetivo perfecciona el pensamiento critico del mga participantes na hacida de decision y habilidades de liderato.
Si Tiniente Coronel Rolando Vargas Jr., el comandante del 53IB, ya enfatiza cay importante el entrenamiento para con el mga sargentos de peloton.
“Este programa diseñao apodera con el de aton sargentos de peloton con el necesario habilidades para hace decisiones sensata bajo presion, asegurando el exito del mision y bienestar del tropa,” ya habla si Vargas. (B. Garcia)