El oficina comunitaria de medio ambiente y recrusos naturales, o CENRO-Piñan, ya larga un Crested Serpent Eagle na provincia del Zamboanga del Norte.
Asegun con oficina regional del Departamento de Medio Ambeinte y Resursos Naturales, o DENR, con el agila ya larga del otro semana na monte de Sinai, Sergio Osmeña, Zamboanga del Norte.
Asegun con el DENR, con el agila ya larga despues del evaluacion cay na buen salud el pajaro.
El evaluacion ya conduci si Dr. Sunday Dawn Bagatua, el jefe del oficina de veterinario del provincia del Zamboanga del Norte.
El DENR ya habla, con el agila ya entrega na CENRO-Piñan si Señora Nora Matias, un residente del Sitio Sicoco, Barangay del Pilar, Piñan, Zamboanga del Norte.
Si Matias ya informa con mga oficiales del CENRO-Piñan cay ya encontra le con el agila na su patio interior durante el fuerte aguacero del Noviembre 17. (B. Garcia)