Zamboanga: ‘RFU-9’ ya recivi donacion de lote

0
14
photo courtesy of RFU-9

El municipio del Ipil, el capital del provincia del Zamboanga Sibugay, ya dona lote para usa el “PNP Regional Forensic Unit-9 (RFU-9)”.

Asegun con el mando regional del policia, el donao lote locao na Barangay Ipil Heights na municipio del Ipil.

Asegun con el policia, formalmente ya entrega del Martes si Anamel Olegario, el alcalde del municipio del Ipil, el copia del aprovao resolucion del consejo del pueblo que ta dona 1,000 metros cuadrados lote con el RFU-9.

Asegun con el policia, ya promete tamen si Antonieta Eudela, el congresista del segundo distrito del Zamboanga Sibugay, para aloca P12 millon fondo para el construccion del un edificio del RFU-9.

El solicitacion para el alocacion del lote y fondo ya inicia el RFU-9 para mejora el eficiencia y efectivamente el servicio del oficina de forense na Zamboanga Sibugay y na mga sercanos provincia. (B. Garcia)

Leave a Reply