Zamboanga: ‘Army’ ya transferi con el ‘501st Combat Engineer Battalion’

0
12
photo courtesy of 101st Infantry Brigade

El “Combat Engineer Regiment” del “Philippine Army” ya transferi con el de ila un batallon desde’l provincia del Basilan para na otro region, asegun con el 101st Infantry Brigade del Sabado.

Asegun con el 101st Infantry Brigade, el batallon que ya transferi desde Basilan amo el “501st Combat Engineer Battalion” que ta encabesa si Tiniente Coronel Amorito Saludez, Jr.

Asegun, con el nuevo reconstituido batallon, hay redistribui para na uno del mga lugar na region de Luzon.

Si Saludez ya hace su visita de despidida del Jueves con Brigadier General Alvin Luzon, el comandante del 101st Infantry Brigade, na quartel del mando na Barangay Tabiawan, ciudad de Isabela, el capital del provincia de Basilan.

El visita de despidida del Saludez amo para formalmente informa con Luzon cay ya transferi ya canila para na norte parte del pais.

Si Luzon ya reconoce con el significante contribucion y suporta del 501st Combat Engineer Battalion na mision del 101st Infantry Brigade na provincia de Basilan.

Durante el visita de despidida de Saludez, presente tamen el otro mga oficiales del 101st Infantry Brigade. (B. Garcia)

Leave a Reply