El mga residentes del cuatro barangays na municipio de Kapai, Lanao del Norte, y miembros de diferentes sectores ya condena, denuncia y jura cay hinde sila suporta en cual quier manera con el grupo terorista comunista o Communist Terrorist Groups (CTGs), na provincia, asegun con el militar del Domingo.
Asegun con el 4th Civil Relations Group (4CRG), el condenacion, denuncio y juramiento ya hace durante el un Grande Pulong-Pulong na gimnasio del municipio del Kapai del Lunes que ya facilita el 55th Infantry Battalion (55IB).
Asegun con el 4CRG, con el pulong-pulong ya participa mga residentes de Barangays Malna, Cormatan, Pantao, y Pindolonan.
El otro participantes ya inclui mga lideres de comunidad, lideres religioso, y organizacion de los gentios.
Asegun con el 4CRG, ya tene un acto simbolico de quemada del bandera del CTG durante el pulon-pulong, que ya demostra de ila postura firme contra con el armao grupo.
Asegun con el 4CRG, el pulong-pulong ya servi como un crucial plataforma para del mga lideres del comunidad y residentes facilitando un significativo dialogo del mga asuntos y conciernes que ta enfrenta el mga barangays.
El 4CRG ya habla, el pulong-pulong ya conduci con el suporta del gobierno del municipio de Kapai. (B. Garcia)