Cebu: Barko gikan sa Australia midunggo sa Bohol sakay ang mga Australian National aron sa pag tan-aw sa mga tourist spots

Ang Probinsya sa Bohol nga anaa sa ikaduhang lugar sa napulo ka mga Siyudad sa Nasud ang pinakaluwas nga mga destinasyon sumala sa TravelsafeAbroad, ug naila isip unang UNESCO Global Geopark ang padayon nga giduaw sa mga
turistang langyaw o lokal.

Kagahapong adlawa Nov. 2 nahidangat dinhi sa Dakbayan sa Tagbilaran, sa City Seaport ang Cruiseship CoralExpeditions sakay ang 40 ka mga Australianong langyaw aron mobisita sa mga nagkadaiyang tourism attractions.

Sayo niini gipadayag ni Bohol Gob. Aris Aumentado ang paghibalik sa turismo, dinhi usa ka dakong highlight sa mga kalampusan sa gitinguha alang sa malungtarong industriya ang bohol naila sa natad sa turismo kini nagpakita ang pagsaka sa ekonomiya sa probinsya.

Aron masiguro ang kaluwasan sa tanang 40 ka Australianong mga turista sakay sa cruiseship ang Kagamhanang Probinsyal pinaagi sa Provincial Tourism Office ug PDRRMO, team gikan sa TaRSIER 117, ingon man ahensya sa law enforcement gitahasan sa pag-escort sa mga langyaw sa ilang countryside tour sa mga tourist attractions sa Bohol. (Renante Socia Lada)